News

KENNISGEWING AAN DIE PUBLIEK: 316/2025

FEESSEISOEN KENNISGEWING: VERBOD OP NUWE STRUKTURE IN INFORMELE NEDERSETTINGS

Geagte Inwoners,

Soos ons die Feesseisoen van 2025 betree en die Nuwe Jaar van 2026 nader, wil ons van hierdie geleentheid gebruik maak om u en u geliefdes 'n vreugdevolle en veilige vakansieseisoen toe te wens. Ons is bewus daarvan dat baie van u na u bestemmings sal reis en in die nuwe jaar sal terugkeer werk toe. Neem asseblief kennis dat u veilig en verantwoordelik moet reis.

In die lig van die komende vakansiedae, wil ons alle inwoners van die Informele Nedersettings binne die Cederberg Munisipaliteit herinner aan die volgende belangrike kennisgewing:

VERBOD OP NUWE STRUKTURE EN UITBREIDINGS

Cederberg Munisipaliteit gee hiermee kennis dat GEEN NUWE STRUKTURE EN GEEN UITBREIDINGS AAN BESTAANDE STRUKTURE TOEGELAAT SAL WORD IN DIE INFORMELE NEDERSETTINGS IN DIE VOLGENDE GEBIEDE NIE:

- Citrusdal:                Riverview

- Clanwilliam:            Khayelitsha

- Lambertsbaai:         Kompong

- Elandsbaai:             New Rest

Die munisipaliteit verbied streng die oprigting van strukture in hierdie gebiede sonder behoorlike magtiging. Enige persoon wat hierdie kennisgewing oortree, kan vervolg word.

OORTREDINGS EN STRAF

• Enige persoon wat 'n ander persoon aanhits of help om grond onwettig te beset, is skuldig aan 'n oortreding.
• Enige persoon wat betaling ontvang of vra vir die reëling of organisering van die besetting van grond sonder die skriftelike toestemming van die Munisipale Bestuurder of persoon in beheer van daardie grond, is skuldig aan 'n oortreding.
• Enige persoon wat munisipale amptenare, wetstoepassing of ander amptenare in die uitvoering van hul pligte hinder of belemmer, is skuldig aan 'n oortreding.

AANMELDING

Indien u bewus word van enige ongemagtigde strukture wat opgerig word, rapporteer dit asseblief onmiddellik aan die Behuisings-/Wetstoepassingseenheid.

U kan ook ons Aanmeldingslyn kontak by 027 482 8000 of 'n e-pos stuur na customercare@cederberg.gov.za .

SAMEWERKING

Laat ons saamwerk om 'n veilige, volhoubare en wettige gemeenskap vir almal te bou. U samewerking en begrip in hierdie saak word baie waardeer.

Dankie vir u aandag aan hierdie saak.

Die uwe

Mnr G.F MATTHYSE

MUNISIPALE BESTUURDER: CEDERBERG MUNISIPALITEIT