News

ISAZISO KULUNTU 316/2025

ISAZISO NGEXESHA LEFESTIVE: UKUTHINTELWA KWEZAKHIWO EZINTSHA KWIINDAWO KUNYE NOKWANDISA

Bahlali abathandekayo

Njengoko singena kwiXesha leeHolide zika-2025 kwaye sisondela kuNyaka oMtsha ka-2026, singathanda ukuthabatha eli thuba sininqwenelela ixesha leholide elimnandi nelikhuselekileyo.

Siyazi ukuba uninzi lwenu lizakuya kwiiholide, kwaye nibuyele emsebenzini kunyaka omtsha. Niyacelwa ukuba nihambe ngokukhuselekileyo nangenkathalo.

Ngokuthathela ingqalelo iiholide ezizayo, singathanda ukukhumbuza bonke abahlali base lokshini kuMasipala waseCederberg ngesi saziso sibalulekileyo silandelayo:

UKUTHINTELWA KWEZAKHIWO EZINTSHA KUNYE NOKWANDISA

UMasipala waseCederberg unika isaziso sokuba AKUKHO ZAKHIWO EZINTSHA KWAYE AKUKHO LWANDISO LWEZAKHIWO ELIYA KUVUNYELWA KWEZINDAWO ZILANDELAYO:

- Citrusdal:                Riverview

- Clanwilliam:            Khayelitsha

- Lamberts Bay:         enkomponi

- Elands Bay:            New Rest

Umasipala uyakwalela ngokungqongqo ukwakhiwa kwezakhiwo kule mimandla ngaphandle kogunyaziso olufanelekileyo. Nawuphi na umntu ofunyenwe etyeshela esi saziso angajamelana nokutshutshiswa.

AMATYALA NEZOHLWAYO

• Nawuphi na umntu oxhokonxa okanye oncedisa omnye umntu ukuba ahlale kumhlaba ngokungekho mthethweni uya kuba netyala lokwaphula umthetho.
• Nawuphi na umntu ofumana okanye ocela intlawulo ngokulungiselela okanye ukulungelelanisa ukuhlala emhlabeni ngaphandle kwemvume ebhaliweyo yoMphathi kaMasipala okanye umntu ophetheyo waloo mhlaba uya kuba netyala lokwaphula umthetho.
• Nawuphi na umntu othintela amagosa kamasipala, abezomthetho, okanye amanye amagosa ekwenzeni umsebenzi wabo uya kuba netyala lokwaphula umthetho.

INGXELO

Ukuba uye waqaphela naziphi na izakhiwo ezingagunyaziswanga ezakhiwayo, nceda uqhagamshelane neSebe lezeZindlu/loNyanzeliso loMthetho ngoko nangoko Unokuqhagamshelana noMnxeba wethu wokunika iNgxelo kule nombolo 027 482 8000 okanye uthumele i-imeyile ku customercare@cederberg.gov.za  

UKUSEBENZA KUNYE

Masisebenze kunye ukwakha uluntu olukhuselekileyo, oluzinzileyo, nolusemthethweni kumntu wonke. Intsebenziswano nokuqonda kwenu kulo mbandela ixatyiswa kakhulu.

Enkosi ngokuqwalasela kwakho lo mba.

Ozithobayo

Mnu. G.F MATTYSE

UMPHATHI KAMASIPALA: UMASIPALA WASECEDERBERG